الأسئلة الشائعة عن برنامج قفل الشاشة MoLock

MoLock برنامج قفل الشاشة للكمبيوتر، مجاني لويندوز 10 و11: بيحط شاشة قفل أنيقة فوق جهازك وانت بعيد، وبتفتحه بإنك تكتب كلمة السر في أي مكان. وأي حد يحاول يفتحه غلط بتوصلك صوره وفيديو بصوته على تليجرام، وتقدر تتحكم في جهازك كله من بوت تليجرام خاص بيك.

أيوه، مجاني بالكامل. مفيش اشتراك ولا نسخة مدفوعة ولا مميزات مقفولة.

ويندوز 10 وويندوز 11، نسخة 64-bit.

أيوه، الواجهة كلها عربي وإنجليزي. ولما البرنامج يكون بالعربي، الويدجتس كمان بتبقى عربي بالكامل: مواقيت الصلاة، التاريخ الهجري، الطقس وغيرهم.

لأ، هو بيكمّلهم. خلّي كلمة سر الويندوز شغّالة، وفعّل BitLocker أو تشفير الجهاز علشان ملفاتك تفضل محمية حتى لو الهارد اتشال. MoLock بيضيف طبقة يومية فوقهم: قفل سريع وذكي، وأدلة على أي محاولة، وتحكم من موبايلك.

MoLock قفل خصوصية، مش برنامج رقابة أبوية. هو بيمنع الأولاد يدخلوا على جلستك انت وانت بعيد. وللأطفال، الأفضل تعملهم حساب ويندوز خاص بيهم من إعدادات العائلة في ويندوز.

قريبًا: كشف الحركة بالكاميرا وهو مقفول مع تنبيه وصورة فورًا، وتنبيهات لو حد حاول يقفل MoLock بكلمة سر غلط أو من مدير المهام (وهيرجع لوحده)، ومعالج إعداد جديد بيربط بوتك ويبعتلك دليل بالأوامر، و3 أنماط شكل: بسيط، احترافي، ديناميكي، وتحديث البرنامج من البوت.

على واتساب wa.me/201066688896، أو فيسبوك fb.com/mafiaidola، أو ماسنجر m.me/mafiaidola. وتقدر كمان تبعت مشكلة أو اقتراح من جوه البرنامج من «إرسال ملاحظات»، والرد بيوصلك على جهازك.

ده مقصود. مفيش خانة ولا زرار: اكتب كلمة السر في أي وقت على شاشة القفل وهتفتح. هتلاقي نبضة خفيفة بتقول إنك بتكتب، من غير ما تبيّن عدد الحروف.

عندك أكتر من طريق: كود الاسترجاع اللي خدته في الإعداد، أو كود لمرة واحدة من تطبيق مصادقة (زي Google Authenticator) لو مفعّله، أو مفتاح USB أو جهاز بلوتوث موثوق. ومن بوت تليجرام تقدر تبعت /resetpassword حتى والجهاز مقفول. ولو كل ده مش متاح، أداة «MoLock Fix» بتقفل البرنامج وترجّع الجهاز طبيعي.

MoLock متصمم إن ده مايحصلش: فيه كود استرجاع، واختصار طوارئ بتظبطه بنفسك، و/resetpassword من تليجرام، وأداة MoLock Fix. والماوس والكيبورد عمرهم ما بيهنّجوا حتى لو الويندوز قفل فوقه. وبعد كام محاولة غلط بيبقى فيه انتظار قصير بس، مش قفل نهائي.

كلمة سر تانية تعملها لمواقف الإجبار. لو حد ضغط عليك تفتح الجهاز، اكتبها: الجهاز هيفتح عادي خالص فهو يفتكر إنه نجح، وفي نفس الوقت MoLock بيبعتلك في صمت تنبيه وصورة على تليجرام ويسجّل اللي حصل.

وهو مقفول، مدير المهام نفسه بيبقى ممنوع. ولو حد قفله وهو مفتوح، فيه حارس بيرجّعه تاني، وخدمة حماية اختيارية، ويشتغل مع الويندوز. وتقدر تطلب كلمة السر للخروج منه. ولما انت تقفله بنفسك من الأيقونة بكلمة السر، بيفضل مقفول زي ما اخترت.

MoLock بيمنع مدير المهام ومفاتيح النظام وخيارات Ctrl+Alt+Del وهو مقفول بس، وبيرجّعهم دايمًا أول ما تفتح. لو لقيت مدير المهام لسه ممنوع لأي سبب، شغّل MoLock Fix وهيصلّحه.

كلمة السر بتتخزّن بشكل مشفّر، عمرها ما بتتخزّن كنص ولا بتتبعت لينا. وكل الإعدادات متشفّرة تشفير قوي على جهازك انت، ومربوطة بحساب الويندوز بتاعك.

MoLock بيقفل الشاشة لوحده بعد مدة خمول انت تحددها (ومعاه تنبيه بعدّ تنازلي لو حابب)، أو لما تبعد بموبايلك المربوط بالبلوتوث، أو لما تشيل فلاشة المفتاح الموثوق، أو في مواعيد ثابتة، أو باختصار من الكيبورد، أو من تليجرام بـ /lock و/timer 5. ولو على شبكة واي فاي موثوقة زي البيت، تقدر توقّف القفل التلقائي وانت عليها.

فعّل خصائص الأدلة في MoLock: أي محاولة بكلمة سر غلط بتتصوّر صور وفيديو بصوت وتوصلك على تليجرام، و«مراقبة الوجود» بتبعتلك صورة أو فيديو قصير لو حد لمس الجهاز وهو مقفول، وتقدر كمان تسجّل أدلة مع كل فتح. وكل ده بيتحفظ في نافذة سجل الأدلة، ومعاه سجل النشاط والإحصائيات.

بعد ما تفعّل الأدلة، أي كلمة سر غلط بتتحول لـ «محاولة» كاملة: صور متتابعة، وفيديو قصير بصوت، ولقطة لشاشة القفل لو حابب، والموقع بدبوس على الخريطة، وكلهم بيوصلوك على تليجرام في رسالة واحدة. وتقدر تخلي الكاميرا جاهزة وهو مقفول علشان التصوير يبقى فوري، أو تطلب صورة في أي وقت بـ /photo.

عن طريق تليجرام: بعد ما تربط بوتك الخاص، ابعت /menu هتلاقي لوحة تحكم مرتبة فيها القفل، والكاميرا والأدلة، والشاشة والتحكم، وحالة الجهاز، والتشغيل والإيقاف. وفيه أوامر مباشرة زي /lock و/screenshot و/photo و/shutdown 10. شوف كل الأوامر.

لأ، القفل نفسه شغّال من غير تليجرام، والأدلة بتتحفظ على جهازك في نافذة سجل الأدلة. تليجرام بيضيف التنبيهات على موبايلك والتحكم عن بعد.

حوالي دقيقتين: تعمل بوت من @BotFather، تلزق التوكن في MoLock، وتربط الشات بتاعك. الشرح خطوة بخطوة هنا.

البوت ده بتاعك انت لوحدك، وMoLock بيرد على الشات المربوط بس. أي حد تاني يبعت للبوت مش هيقدر يعمل حاجة. والاتصال مباشر بين جهازك وتليجرام، والمطوّر مالوش أي وصول له.

/remote 30 بيعمل رابط ويب آمن وخاص بيك تشوف منه الشاشة وتتحكم فيها من متصفح على نفس الشبكة، وبيقف لوحده بعد المدة. ولو عايز تقفله قبلها: /remote off. ومن أي مكان، باقي أوامر البوت شغّالة عادي زي /screenshot و/click و/keys.

أيوه، فيه بوت صغير بيفضل شغّال في الخلفية: تقدر منه تفتح MoLock، أو تفتحه وتقفل الجهاز، أو تغيّر كلمة السر، أو تشوف الحالة، أو توقف البوت نفسه.

لأ، بتتحفظ على الجهاز وبتتبعت لوحدها أول ما النت يرجع، كلها في رسالة واحدة.

لو «إرسال إحصائيات الجهاز» شغّال: اسم الجهاز، نسخة الويندوز، موديل المعالج والرامات وكارت الشاشة، مقاسات الشاشات، الهارد، استهلاك MoLock نفسه من المعالج والرامات، وعدد مرات القفل والمحاولات الغلط في آخر 24 ساعة، ونسخة البرنامج ولغته. ولو قفلته: نسخة البرنامج واللغة وقناة التحديث بس. عمره ما بيبعت ملفات ولا محتوى الشاشة ولا اللي بتكتبه. التفاصيل الكاملة في سياسة الخصوصية.

لأ خالص. الصور والفيديوهات بتروح للبوت بتاعك انت على تليجرام أو بتفضل على جهازك، والمطوّر عمره ما بيستلمها ولا عنده طريقة يشوفها. والكاميرا بتشتغل بس في خصائص الأدلة اللي انت بتفعّلها، أو لما انت تطلب من البوت بتاعك.

أيوه، من الإعدادات ← «عن البرنامج» اقفل «إرسال إحصائيات الجهاز». بعدها مش بيتبعت غير نسخة البرنامج واللغة وقناة التحديث، علشان التحديثات والإعلانات توصلك.

كل إعلان موقّع رقميًا مننا، والبرنامج بيرفض أي حاجة مش جاية مننا، فمحدش يقدر يبعتلك إعلان مزيّف. وعمرها ما بتظهر والجهاز مقفول أو فوق برنامج شغّال بملء الشاشة.

لأ. MoLock بيشتغل من غير صلاحيات المسؤول ومن غير ما تثبّت أي برامج إضافية. خدمة الحماية الاختيارية بس هي اللي بتطلب موافقة المسؤول لو فعّلتها.

حمّل الملف المضغوط (حوالي 70 MB)، فكّه، وشغّل MoLock.exe. معالج الإعداد هيمشي معاك خطوة بخطوة.

ده تحذير SmartScreen اللي بيظهر مع البرامج الجديدة اللي لسه مش منتشرة. دوس «More info» (مزيد من المعلومات) وبعدها «Run anyway» (تشغيل على أي حال). وحمّل البرنامج دايمًا من الموقع الرسمي بس.

القفل والفتح شغّالين من غير نت. النت مطلوب بس لتليجرام والتنبيهات، والتحديثات، وبعض الويدجتس زي الطقس وأسعار العملات. ولو النت فصل، الأدلة بتستنى وتتبعت أول ما يرجع.

بتتحمّل في الخلفية، وبيتأكد إنها أصلية وموقّعة رقميًا مننا ومحدش عدّل فيها، وبتتثبت في وقت هادي، وعمرها ما بتتثبت والجهاز مقفول. بياخد نسخة احتياطية الأول ويرجع للقديمة لو حصلت أي مشكلة، وكلمة السر والإعدادات والأدلة مابتتلمسش. وتقدر تقفل التحديث التلقائي من الإعدادات ← «عن البرنامج» (التحديثات المهمة جدًا ممكن تتثبت برضه).

من الإعدادات، قسم إعادة الضبط وإلغاء التثبيت، دوس «إلغاء تثبيت MoLock»: هيوقف خدمة الحماية، ويشيل التشغيل مع الويندوز، ويمسح بيانات البرنامج. أما MoLock Fix (موجودة في فولدر البرنامج) فهي أداة إصلاح: بتقفل البرنامج، وتصلّح مدير المهام والماوس لو علّق، وتقدر تشيل كل حاجة MoLock ضافها.

لأ، MoLock خفيف وهو شغّال في الخلفية. الثيمات المتحركة بتشتغل بس والشاشة مقفولة. ولو عايز توفر أكتر، اختار ثيم هادي أو خلّيه يطفّي الشاشة وهو مقفول.

أيوه، شاشة القفل بتغطي كل الشاشات المتوصلة.

طبعًا: فيه 30 ثيم متحرك (منهم MoLock Signature وهاكر وماتريكس وساكورا وغيرهم)، وأكتر من 33 ويدجت، وخلفيات من سطح المكتب المتغبّش أو صورة أو فيديو أو عرض صور. شوف الثيمات.

فعّل «إيقاف القفل مع البرامج بملء الشاشة»، أو وقّف القفل التلقائي مؤقتًا من الأيقونة أو بـ /pause 2h من تليجرام: من 5 دقايق لحد 7 أيام، وبيرجع لوحده.

غالبًا ويندوز مانع البرامج من الكاميرا أو المايك. افتح إعدادات الخصوصية في ويندوز وفعّل الوصول للكاميرا والمايك لبرامج سطح المكتب. ولو الكاميرا مشغولة مع برنامج تاني، MoLock بيسجّل فيديو من غير صوت أو صوت بس بدلها.